A visita das xogadoras do Baxi Ferrol converteuse nunha actividade de especial interese para o noso alumnado, que puido comprender de primeira man o reto que supón para unha muller adicarse ao mundo do deporte.
Así mesmo dialogaron sobre as diferenzas entre o deporte masculino e o deporte feminino e sobre a necesidad de loitar pola igualdade de condicións entre ambos mundos.
Resultou unha actividade moi amena e ben aproveitada.
Durante o presente curso académico, o noso alumnado de 2º ESO, guiado pola súa profesora de Lingua Castelá, investigou a evolución das condicións laborais das mulleres dende a Segunda Revolución Industrial ata a actualidade.
A actividade comezou coa lectura de Trampa de fuego, de Núria Martí Constans.
Da man de Laura e Bettina, protagonistas ficticias da narración de Núria Martí, os nosos alumnos e as nosas alumnas foron conscientes da difícil situación laboral das mulleres na época: a necesidade de incorporarse moi cedo ao mercado laboral para axudar ás súas familias, os amplos horarios de traballo, o salario escaso, as nulas condicións de seguridade...
Posteriormente, todo o alumnado de 2º ESO visitou a fábrica Galicia Textil S.A., en Neda.
Sobre a natureza do seu traballo na fabricación de todo tipo de fibras téxtiles.
Sobre o continuo investimento para a modernización de maquinaria e instalacións.
Froito de todas estas experiencias, son os traballos que elaboraron os nosos rapaces e rapazas.
Esta é unha pequena mostra do seu labor.
Coma todos os anos, tamén durante o presente curso académico unha gran parte das nosas lecturas foron escritas ou protagonizadas por mulleres. Puidemos coñecer así coñecer a vida de mulleres fortes que souberon loitar contra o seu destino ou vivir o seu amor lonxe dos prexuízos da súa sociedade (Celestina e Melibea en La Celestina), de mozas valentes que souberon loitar por acadar a felicidade (Adela en La casa de Bernarda Alba), de mulleres que loitaron para facerse ver nun mundo tipicamente masculino (como a inspectora Ana Barroso en A vida secreta de Úrsula Bas) ou que morreron vítimas das pésimas condicións en que se viron obrigadas a traballar (Trampa de fuego).
Moitas desas lecturas fixéronse nos diferentes Clubs de Lectura:
Club de adultos
.jpg)
2º ESO
4º ESO
Durante o presente curso académico, o noso alumnado de 4º de ESO analizou as causas e consecuencias da emigración e a súa relación co rural galego.
O traballo comezou coa lectura de "Las medias rojas", un conto da gran Emilia Pardo Bazán que ten como trasfondo a emigración galega.
Neste relato a autora galega escolle como protagonista a Ildara, unha rapaza nova que desexa emigrar para prosperar economicamente, pero que non logra o seu soño porque o seu pai llo impide cruel e violentamente.
A partir da súa lectura puidemos analizar a duras condicións económicas das clases baixas na Galiza da época e investigar as causas e as consecuencias desa situación. Asemade, a través dos trazos costumistas da narración da autora coruñesa, puidemos coñecer certos costumes que lastraban a vida das mulleres galegas, como a obriga de coidar aos familiares maoires no caso das mulleres solteiras da casa.
E comezou unha interesante investigación sobre a emigración galega e sobre os principais países receptores ata mediados do século XX (países americanos) e de mediados do século XX ata a actualidade (países europeos).
Como complemento desta investigación, puidemos ver dous documentais.
No primeiro,"Mamasunción" (1984), Chano Piñeiro analiza o drama da emigración e o seu impacto na vida dos que quedaron na terra.
A través do segundo: "Emigración gallega: mujeres", puidemos coñecer cal foi o papel da muller naquela época.
Tamén analizamos diversas e impactantes imaxes do momento:
Como conclusión, o noso alumnado elaborou diversos traballos. Aquí temos unha pequena mostra:
Para celebrar o Día da Poesía, un grupo de alumnos e alumnas de 2º de Bacharelato encargouse de percorrer as aulas de 1º e 2º de ESO para achegarlles aos seus compañeiros e compañeiras a obra poética de figuras femininas tan senlleiras como Gloria Fuertes, Lupe Gómez, María Luísa Villalta...
Os voluntarios e as voluntarias foron de clase en clase recitando poemas das autoras e explicándolles aos rapaces e as rapazas as razóns polas que se sentiron atraídos por cada composición en concreto.
Coa súa actividade buscaron reivindicar o valor da creación literaria de moitas mulleres poetas, grandes esquecidas nos libros de texto, pero cunha calidade artística incuestionable.
A actividade culminou co recitado na nosa biblioteca de varios poemas das autoras presentadas previamente nas aulas.
Recitado 1
Recitado 2
Recitado 3
