Os nosos rapaces de 4º de ESO traballaron durante o presente curso académico nun proxecto destinado a dar visibilidade a grandes mulleres esquecidas durante a súa época.
A nosa intención inicial era concluír a proposta coa rodaxe dunha curtametraxe que tivera como protagonista a unha muller (real ou ficticia) que loitase por conquistar a liberdade para vivir a súa vida tal e como quixese.
Lamentablemente a finalización abrupta do ensino presencial impediunos concluír o proxecto. Non obstante, si desenvolvemos as primeiras etapas, tal e como aquí presentamos:
Para quentar motores, comezamos lendo
Historias de mujeres, de Rosa Montero. É esta unha obra interesantísima que inclúe a biografía de varias mulleres singulares, creativas, fortes, valentes, amorosas ou crueis, que algunhas das nosas alumnas recrearon en diversos traballos.
A continuación celebramos un cinefórum na biblioteca do instituto a partir do visionado de
Las horas,adaptación cinematográfica da novela homónima de Michael Cunningham que narra a vida de tres mulleres de distintas épocas conectadas pola novela de Virginia Woolf
Mrs. Dalloway.
A análise do filme proporcionounos as ideas precisas para comezar o núcleo do noso proxecto: a curtametraxe.
Para orientarnos na nosa actividade recibimos a visita de Carlos Aguado, estudante de Comunicación Audiovisual que nos explicou o proceso para redactar con éxito un guión cinematográfico.
As súas claras explicacións convertéronse no punto de partida para organizar a nosa curtametraxe.
E permitíronnos redactar un documento coas regras para redactar un bo guión.
O labor entregado do noso alumnado deu como resultado o primeiro boceto:
Por desgraza, a rápida expansión do coronavirus deixou tamén en corentena o noso proxecto cinematográfico.