Con motivo da chegada do 14 de febreiro o noso alumnado de Correspondentes Xuvenís organizou un faladoiro para reflexionar sobre que é o amor para os nosos rapaces e rapazas coa intención de desterrar falsos mitos promovidos pola idea romántica das relacións amorosas (a existencia da persoa perfecta para un; a dependencia do ser amado; a necesidade de soportar todo tipo de situacións por afecto; o convencemento de que se pode ou se debe cambiar por amor; a idea de que os ciumes son unha mostra de agarimo cara a parella...).
Nunha primeira etapa, toda a comunidade educativa puido ofrecer a súa idea sobre o amor. Posteriormente puidemos ler as opinións anónimas dos participantes na actividade e reflexionar sobre as diferentes propostas.