DÍA DE ROSALÍA: poesía e rosas

Con motivo da celebración do Día de Rosalía, o noso alumnado aproveitou a xornada para reivindicar a actividade literaria feminina tomando como punto de partida o labor poético da poeta santiaguesa.

A organización dun recitado público na nosa bibliotea serviu para que o alumnado participante se aproximase á producción literaria rosaliana e puidese reflexionar sobre o papel da muller na literatura na época en que Rosalía destacou como autora.

Todos os participantes na actividade recibiron unha rosa como agasallo.

CELEBRANDO O 8M: chapas pola igualdade

 

 

A partir de deseños orixinais do noso compañeiro Javi, o alumnado participante en Polos Creativos creou unha serie de chapas como conmemoración do 8 M que posteriormente puido lucir toda a comunidade educativa.

CELEBRANDO O 8M (mural)

 

 Coa intención de conmemorar a loita feminina por acadar un desenvolvemento íntegro como persoa na sociedade, a nosa alumna Sara deseñou un fantástico mural no que mostrou o noso desexo de actuar como colectivo ante un obxectivo común: lograr a igualdade de dereitos e oportunidades entre homes e mulleres.

SEMANA DA MULLER E A NENA NA CIENCIA

 

 

 Con intención de celebrar o Día da muller e a nena na ciencia, pechamos os recreos da biblioteca durante unha semana e convertemos este espazo nun pequeno laboratorio de xogos mediante o que
tratamos de reivindicar o papel de diferentes científicas importantes ao longo da historia da humanidade.

Rocío e Julia, as nosas compañeiras de Química e Matemáticas, convertéronse en anfitrioas destas xornadas tan intensas.

 

Elas foron as encargadas de deseñar os xogos diferentes cos que os nosos alumnos e alumnas se achegaron de forma lúdica a personaxes tan variados como Ada Lovelace, Ángeles Alvariño ou Hedy Lamarr.

E así xogamos á oca.

E creamos figuras xeométricas coas imaxes das mulleres científicas.