AS MULLERES IMPORTANTES DA MIÑA VIDA

 

 Durante o presente curso académico, o alumnado de 4º de ESO desenvolveu unha breve (pero intensa) tarefa de investigación que tivo como finalidade a reivindicación de figuras femininas importantes no seu núcleo persoal e/ou familiar.

Para a nosa satisfacción, a maior parte dos nosos rapaces escolleron mulleres pertencentes ao seu núcleo familiar próximo (nais, avoas ou bisaboas) e destacaron nelas a súa infancia dura, o seu carácter loitador e, sobre todo, o seu espírito de superación ante as situacións adversas que lles presentou a vida. Son, ante todo, mulleres resilientes que deixaron unha fonda (e moi agarimosa) pegada entre os seus pequenos fillos, netos ou bisnetos.

Aquí temos unha pequena mostra dos traballos desenvoltos que falan de avoas:

 

 

CELEBRAMOS O 25 N (O muro da vergoña)

 

 

O 25 de novembro celebramos o Día Internacional da Eliminación da Violencia contra a Muller coa intención sensibilizar ao noso alumnado ante a violencia que moitas mulleres padecen en diferentes lugares do mundo e, sobre todo, para reivindicar unha maior igualdade entre homes e mulleres en todas as facetas da súa existencia.

Durante todo o día desenvolvemos diferentes actividades en que participou toda a comunidade educativa.

En primeiro lugar, os nosos alumnos e alumnas investigaron sobre o número de mulleres asesinadas en España durante o ano 2023. Cos seus nomes construímos un muro da vergoña que posteriormente eliminamos nun acto reivindicativo.

 

CELEBRAMOS O 25N (Faladoiro)

 Coa intención de coñecer cal é a opinión dos nosos alumnos e as nosas alumnas sobre a violencia de xénero, organizamos un faladoiro para que todos e todas mostrasen o que pensan sobre este azoute tan presente aínda na nosa sociedade.

Os participantes na actividade reflexionaron con espírito crítico sobre cales son as causas destas manifestacións violentas sobre as mulleres tanto na nosa sociedade coma en sociedades alleas. 

 Tamén nos achegaron a súa visión persoal do problema entre os adolescentes e como se mostran o control, o abuso e o maltrato ao seu arredor.

Por último, denunciaron que, a pesar das medidas oficiais que se adoptan para loitar contra este problema, existe un grupo cada vez maior de xente que defende que os datos non son fiables e que se está esaxerando a situación con intención de espertar unha alarma innecesaria na sociedade.

E remataron coa interesante suxestión de que talvez sería interesante iniciar un debate social para analizar esta preocupante situación e buscar posibles solucións entre todos e todas.

CELEBRAMOS O 25N (Poema: "O muro")

Coa intención de denunciar ante o noso alumnado os estereotipos sexistas que aínda están vixentes na nosa sociedade, alumnos e alumnas participantes no Voluntariado de Biblioteca e nos Correspondentes Xuvenís realizaron unha dramatización do poema "O muro", incluído no poemario Masculino singular do poeta Carlos Negro.

 

CELEBRAMOS O 25N (Lectura dun manifesto contra a violencia de xénero).

NOVAS GANDEIRAS: TALENTO MOZO

 A través do programa Talento mozo recibimos a visita de María, unha nova gandeira que nos explicou a súa experiencia laboral nunha granxa facendo especial fincapé nos trazos positivos, pero tamén no reto que supón levar adiante unha explotación gandeira na sociedade actual.

O contraste entre a vida actual dunha gandeira coa vida que levaban no pasado resultou impactante para o noso alumnado, que quedou gratamente sorprendido coa charla.

LITERATURA EN FEMININO

 A pesar de que incialmente iamos recibir a visita de dúas autoras, finalmente só puido vir unha delas (Ana Alcolea tivo que renunciar por enfermmidade) que se encargou de presentarlle a súa obra ao noso alumnado.

Foron xornadas realmente intensas porque nada resulta máis emocionante para os nosos pequenos lectores que poder comentar as obras que leron cos compañeiros e profesores... e sobre todo cos autores (neste caso as autoras) que poden aclarar as súas dúbidas e responder a todas as súas curiosidades.

E Andrea Maceiras, que presentou A folla verde ante o alumnado de 1º de ESO,

e Que me pare o corazón se te esquezo ante o alumnado de 4º ESO.

 

OBRADOIROS EN FEMININO: TALLER DE DEBUXO MANGA

 O 19 de xuño visitounos de novo Sarai para traballar o debuxo manga cos nosos rapaces de ESO. Foi unha actividade longamente esperada polos participantes no Club de Lectura de manga, e desenvolta en colaboración entre o equipo da Biblioteca e o grupo de Dinamización Lingüística.

Os alumnos e as alumnas escoitaron con atención as explicacións de Sarai:

E puxéronse a traballar inmediatamente:

Recibiron a axuda da profesora cando foi preciso:

E seguiron co seu traballo:

 

E os resultados foron fantásticos!!!

 Temos uns artistas marabillosos.

LECTURAS EN FEMININO

 Coma todos os anos, tamén durante o presente curso académico unha gran parte das nosas lecturas foron escritas ou protagonizadas por mulleres. Puidemos coñecer así coñecer a vida de mulleres fortes que souberon loitar contra o seu destino ou vivir o seu amor lonxe dos prexuízos da súa sociedade (Celestina e Melibea en La Celestina), de mozas valentes que souberon loitar por acadar a felicidade (Adela en La casa de Bernarda Alba), que souberon actuar de forma solidaria para axudar aos seus seres queridos (como as protagonistas de Los besos en el pan) ou que despuntaron polo seu carácter e valía nunha sociedade gris como a española de comezos da democracia (Alice Gould en Los renglones torcidos de Dios).

 Moitas desas lecturas desenvolvéronse nos diferentes Clubs de Lectura:

Club de Lectura de Adultos 

 

 

Club de Lectura 4º ESO

Club de narrativa fantástica 4º ESO-1ºBach

Lecturas 1º ESO 

Lecturas 2º ESO

Lecturas 3º ESO

Lecturas 4º ESO

 

Lecturas 1º BACH