Aproveitando a "romántica" celebración do 14 de febreiro, organizamos un faladoiro para que o noso alumnado mostrase cales son as súas ideas sobre o amor (nun sentido amplo) e sobre cales son os seus maiores erros (ou acertos) no momento de amar.
A actividade resultou moi amena e interesante, porque os participantes puideron reflexionar sobre que é o amor e sobre as distintas formas de amar.
A partir do seu coñecemento do mundo, analizaron como evolucionou o amor a través do tempo, e cales son as diferenzas que observan entre os comportamentos amorosos da súa xeración e os comportamentos que tiñan os seus pais ou os seus avós.
E compartiron sen medo as súas ansias, sentimentos e esperanzas.
